• Seite 1
• Seite 2

Gröißter Weidner Schandfleck

Also, wöi ich am Suntoch z'Fouß vom Alleefest hamganga bin, hob ich mir den größten Weidner Schandfleck, den ma je g'habt homm, amal genau a'gschaut. Als Weidner moust di fast scho schama", brummte der Sepp. "Des Dostler-Anwesen g'hert o'grissen und zwar so schnell's göiht!" Die anderen Sonntagsspezln stimmten ihm uneingeschränkt zu. "Mei Schwoacher woar im März des letztemal dou und etzat isa wieder kumma, weila hinten in Moosbach a poar Toch Urlaub macht. Der houd bloß den Kopf g'schiedelt, weil immer nu nix passiert ist", erklärte der Hans. "Des kann doch niat so schwer sa. Des Gricht houd'se doch a scho mit der greislichen Bauruine beschäftigt, ober g'schehn is goar nix. Wöi lang soll denn des nu weitergöih?"

Der Schorsch setzte noch eins drauf: "Af der oina Seitn werb' ma für unser schöins Weiden, af der anderen Seitn homma vül Schandfleck in der Stodt, niat bloß des, sondern a in der Frauenrichter- und in der Rengsburger Stroß, in der Johannisstrouß!" Der Rudl wiegelte wieder einmal ab: "Wos kann den d'Stodt oder unser Oberburchamoista, der Seggewiß-Kurt, denn machen? Dene san d'Händ' bunden. Ich glab a niat, dass der Investor nu Interesse houd, der houd bestimmt d'Schnauzn voll. Wos passiert dann? Dann bleibt's weiter so, wöis etzat is, der größte Schandfleck weit und breit!"

Gröißter Weidner Schandfleck

Die Spezln redeten sich förmlich wütend. "Also fest stöiht, dass des koi Werbung für unser Weiden is. A niat der leere Hertie-Komplex. Dou tout'se a goar nix! Und wos die andern Schandfleck betrifft, dou föhlt halt des Geld, bei die Privatleit' genauso wöi bei der Stodt", schimpfte der Toni. "Also, wos solln's denn drin im Routhaus machen?" Der Luck schaute fragend in die Runde und der Hans antwortete wie aus der Pistole geschossen. "Döi solltn se nu amal zammasetzen und zwor alle, der Oberburchamoister, der Investor und der Besitzer und Negel mit Kepf machen. Darüber ren, wos d'Leit und die Urlauber davo halten, dass des Dänner-Eck etzat scho fast a Johr so asschaut und nix passiert. Wöi hoisst's so schöi, mit dem Reden kumma d'Leit zam!" (kf)

• Seite 1
• Seite 2