Weiden, a schöine Festl-Stodt

"Dou soll nu Oiner song, dass bei uns in der Weidn nix lous is, dass ma Hinterwaldler san", brummte der Hans. "Am Freitoch woar i oamds in der Stodt drin und hob d'Welt nimmer verstanden, zwischn dem Josef-Witt-Plotz und dem Untern Tor bin i mit meiner Frau bloß im langsama Schritttempo vorwärtskumma, sovül homma g'sehng. Iberall woar wos lous, Musikkapelln, Feierschlucker, Tanzgruppn und volle Cafés und Biergärten", schwärmte er weiter und die anderen Sonntagsspezln stimmten ihm zu. "Also beklong kinna wir uns wirkle niat", meinte auch der "roude Kare".

"Letzte Wochn erst der Mittelalterliche Morkt, zuvor des Fest im Park und dann a nu des Bürgerfest. Koi Wunder, dass die Urlauber, döi in Schönsee, Moosbach oder Pleystoi wohna, immer wieder gern in d'Weidn fohrn. Mei Frau houd vor kurzem a Ehepaar as Wattenscheid bei der Serenade im Max-Reger-Park troffen, döi homm unser Stodt ibern Schellnkönig g'lobt und wolln nächst's Johr wiederkumma, weil's nu niat alles g'sehn homm, wöi des Max-Reger- oder des Keramikmuseum und die schöina Giebelhaiser in der Fußgängerzona." "Und etzat göiht am Freitoch des Volksfest lous, spater dann des schöine Herbstfest wieder in unserer guaten Stubn", schmunzelte der Rudl. Der Schorsch betonte, dass das schöne Weiden auch jetzt als neues Buch aufliegt. "Wenn's amal a Gschenk brauchts, möids ei "Weiden - eine Stadt und ihre Menschen" aschaffen, dou entdeckts Winkel und Szenen, döi kenn i nu niat amal und etzat bin i scho 71 Johr a g'standner Weidner, der erst zwoamal in Urlaub woar - oimal drei Toch, des andere mal fünf Toch in Bodenmais!" Die anderen schmunzelten, weil sie den Schorsch in und auswendig kennen. "Du kennst bloß dei Wasserwerkstadion, die Altstodt, dei Daham und dei Wirtshaus, oder niat?" Der "roude Kare" legte noch eins drauf: "Und wennst dei Josefskirch' und des Alte Routhaus niat siahst, houst Hoamwöih!" Der Rudl bestellte eine Runde Bärwurz. "Du houst doch goar niat Geburtstoch, wos is denn lous, feierst wos?" Der Toni wurde neugierig. "Nix vo all dem. Ich g'freime halt, dass ma heit so vo unserer Stodt schwärma und niat strein!" Die Sonntagsspezln strahlten um die Wette. (kf)