"Fußball is doch niat alles!"

"Also, des woar vielleicht a Wochend, niat bloß wecha dem Weda!" Der Luck schimpfte wie ein Rohrspatz. "Naja, göih, so schlecht, wöi Du wieder moinst, woars doch a niat", wollte ihn die Wirtin beruhigen. Die anderen Sonntagsspezln wollten jetzt vom Luck wissen, warum denn seiner Meinung nach alles so miserabel gewesen sei. "Lousganga is doch scho am Freitoch mit unserm Spül gecha die Serben, dou hätt i scho den Fernseher as dem Fenster schmeißen kinna. Der spanische Schiri woar doch vo Anfang a gecha uns, der houd doch die Gelbsucht g'habt, oder niat?" Der Luck spülte mit einem kräftigen Schluck von seinem Weizen den Ärger hinunter. Dann wurde er wieder fuchsteufelswild: "Am Samstoch is dann bei uns dahamm der Kröig ausbrochen. Ich wollt' Holland gecha Japan und dann Ghana gecha Australien aschaua, ober mei bessere Hälfte is mit ihrm Kaffee und a Stickl Kouchen as der Küch kumma und houd se af dem Sofa asbreit und wöi selbstverständlich umgschalt afs zwoate Programm. Ich hob glei gfroagt, wos des soll, weil d'Weltmeisterschaft doch am ersten Programm kummt. Dou houds bloß g'lacht. Ich hob g'moint, döi macht an Spaß, ober des woar niat so!" Die anderen Spezln grinsten schon. "Und wöi is weiterganga?" Die Wirtin wurde wieder neugierig. "Ja, sie houd mir strahlend in die Aung g'schaut und g'sagt, dass sie se doch die Traumhochzeit in Schweden niat entgöih loud! Und ich hob ihr g'sagt, dass ich die Holländer sehng wüll und a as unserer Gruppn Ghana und Australien. Dann houd's Fernbedienung gnumma und nimmer hergem. Ich hob mei Bier und mei Wurstbrot packt und bin in Küch', hob den Radio ei´gschalt. Ober des woars halt niat. Ich hob genauso verlorn wöi an Toch zuvor wir gecha Serbien!" Die anderen hatten fast schon Mitleid mit ihrem Kumpel Luck, der dann erzählte, dass seit Samstagnachmittag bei ihm Waffenstillstand herrsche. "Stundenlang houd döi Glitzerhochzeit dauert, döi mei bessere Hälfte mit richtich leichtenden Aung verfolgt houd. Iberall döi langen Kleider, Fracks mit Orden, g'woint homms a nu", brummte der Luck. "Dann houst ja a mit gschaut, oder?" Der "roude Kare" reizte ihn. "Schmarrn, wenn i vom Wohnzimmer vorbeiganga bin, howes halt mitkröigt. Sowos schau i mir niat a!"

"Fußball is doch niat alles", stellte die Wirtin fest. "Schau, vier Wochen lang siahst jeden Toch Spüle, so a Königshochzeit is ober bloß oimal und dou häst scho Verständnis für dei Frau homm möin!" (kf)