Wonnemonat Mai

"Von wegen Wonnemonat Mai", schimpfte der Hans, als er völlig durchnässt zur Sonntagsrunde stieß. "Des is einfach a Sauwetter, oimal schöi, fast zwanzg Grad, dann wieder kolt, graue Wolkn und es rengt immer wieder!" Die Wirtin stimmte ihm zu: "Des wird wohrscheinle wieder koi Summer, wöi wir ihn as unserer Jugend kenna. Fröiher samma scho boarfouß grennt, ins Stadt- oder Schätzlerbad gradelt, Ausflüch' am Wochenend g´macht, ober heitzutoch is des nimmer so!" Die Sonntagsspezln gaben ihr recht und der Toni wusste auch warum. "Des houd doch wos mit die Raketen, die Satelliten zum tou. Wos döi alles ins All aufeschöißen, des is doch nimmer normal. Ich glab, des wirkt´se af die Natur und afs Weda as!" Der Luck nickte zustimmend. "Schau doch amal, in Australien schneits heitzutoch wöi nu nie, in Grönland schmülzt des Eis. Des is doch nimmer normal!" Der Rudl beruhigte wie immer die Gemüter. "Etzat wort's doch erst amal o. Wir homm an strenga Winter g´habt. Und meistens kummt danou a schöiner und hoaßer Summer!" Den Wonnemonat Mai möi ma einfach dalem. Dou homma se doch in unserer Jugendzeit immer verlöibt, unsere Namen vom Moidl und vo uns in die Baumstämm' einegritzt und danou ins Lazarin ganga, af an Eisbecher, der in die fuffzger Johr grod amal a Markl kost' houd!" Die anderen Kumpel grinsten. "Naja, du houst ja immer dei Moidl g'wechselt wöi die Hema", feixte der Luck. "Und wos woar mit die Rangerlkortn?" Der "roude Kare", ging ins Detail. "Ihr wort´s doch a immer scho im Mai nervös. Entweder af der Seifzerallee, drom am stoarnen Tisch oder oberhalb vo Frauaricht af der Spitalöed. Den Sepp sei Revier woar dageng immer hinterm Schätzlerbad, oder niat?" Der Sepp bekam ein rötliches Gesicht und wollte sich verteidigen. "Sog nix, Sepp, des woiß ich hundertprozentig. Weder am 1. Mai, am Vodertoch, an Christi Himmelfohrt oder an Fronleichnam worst du bei uns dabei, sondern mit deim Gspusi douhinten unterwegs!" Jetzt grinste der Sepp. "Des worn halt die ersten Frühlingsgefühle, ober wouher woißt du denn des alles? Der "roude Kare" grinste wieder. "Naja, des worn doch alles Klassenkameradinnen vo meiner Erna!" (kf)